Austevoll

Austrheim-Os Fotball, tidlegare Austevoll og Os Fotball, er ein fotballklubb frå Austevoll og Os i Vestland fylke. Klubben har heimebane på Oseana kunstgress i Os og Austevoll Idrettspark på Storebø på Austevoll.

Klubben vart skipa 10. februar 2007 då Austevoll FK og Os Turn Fotball gjekk saman. Dei to laga hadde samarbeidd sidan 2003. I 2010 valde AOF å trekke sitt A-lag frå spel i 3. divisjon. Klubben hadde då økonomiske problem og var nære ved å melde seg konkurs.

Nye spelarar og trenarar kom inn i klubben framfor 2011-sesongen, og løfta A-laget opp att i divisjonssystemet. I 2013 kvalifiserte AOF seg for opprykk til 3. divisjon, og rykte vidare opp til 2. divisjon etter 2019-sesongen.

AOF spelar i raude og svarte drakter, og har Aamodt Bygg AS som hovudsponsor.